Click here for the English version of this page
Cwrs meddwlgarwch 4 sesiwn (tair awr o hyd dros 8-wythnos) yw .dechrau sydd yn eich galluogi i ddysgu meddwlgawrch ac i ddatblygu eich ymarfer. (Rydym yn peilot’r arddull yma o ddarparu’r cwrs i’w wneud mor hwylus a phosib i bobl fynychu. Fel arfer mae’r cwrs yn cael ei ddysgu mewn 8 sesiwn wythnosol o 90 munud o hyd.) Mae’r cwrs ar gyfer pobl sydd mewn swydd neu sydd yn gweithio o fewn gyd-destun addysgol yn rheolaidd NEU riant neu ofalwr plentyn sydd dal mewn addysg ac sy’n newydd i feddwlgarwch. Mae’n cyfuno hwylustod o fod yn gwrs ar lein a medrwch gyflawni o gysur eich cartref gydag agosatrwydd darpariaeth gwyneb-wrth-wyneb byw.
Mae yna lawer o ymchwil yn dangos buddion meddwlgarwch i staff ysgol. Gweler papur Yr Athro Katherine Weare Evidence for Mindfulness: Impacts on the Wellbeing and Performance of School Staff. Mae’r buddiannau adroddir o ymarfer meddwlgarwch yn cynnwys –
- Lleihad mewn straen, ‘llosgi-allan’ a phryder
- Lleihad yn y teimlad o bwysau tasgau a phwysau amser
- Gwell gallu i reoli meddyliau ac ymddygiad
- Gwelliant mewn sgiliau ymdopi, cymhelliant, cynllunio a datrys problemau
- Gwelliant mewn hunan-thosturi a hunanofal
Ar wahân i’r buddion yma gellir y rhai sydd yn gorffen y cwrs .dechrau ac yn mynd ymlaen i ymarfer meddwlgarwch yn rheolaidd am chwe mis hyfforddi’n bellach i ddysgu meddwlgarwch i blant trwy gyflawni un ai Cwrs Teach .b – ar gyfer dysgwyr 11-18 mlwydd oed neu Dysgu Paws b i ddysgu dysgwyr 7-11 oed. (Mae rhain wedi ei gyfeithu.i’r Gymraeg) Ar gyfer rhagor o wybodaeth ynglŷn â .dechrau cliciwch yma.
Mae .dechrau yn cael ei ddysgu mewn 4 sesiwn pob pythefnos o tua 180 munud o Ddydd Mawrth 23fed Mai 2023, 9:30yb-12:30yh Bydd yr athro hefyd yn gosod ymarfer cartref o tua 20 munud y dydd.
Gan ei bod yn gwrs ar lein mae’n hanfodol eich bod yn cymryd rhan yn y cwrs
- Mewn lle distaw, lle cewch ei adael yn llonydd. Rhywle dydych chi ddim yn rhannu’r cyfrifiadur neu mewn ystafell gyda rhywun arall sydd yn cymryd rhan yn y cwrs ( i osgoi problemau’r sain yn adleisio)
- Wedi gwneud yn siwr bod y dechnoleg yn gweithio i’r ansawdd sydd yn eich galluogi chi i gymryd rhan yn llawn. Cyfrifoldeb y chi yw gwneud yn siŵr bod y gofynion technolegol yn gweithio cyn dechrau’r cwrs.
- Sylwer bod angen i’r camera bod ymlaen yn ystod y cwrs, oni bai cynghorir fel arall (e.e. yn ystod egwyl)
- Rhaid defnyddio PC/laptop/Mac gyda chamera we a band eang rhesymol dda. Mae pob gwers yn cymryd lle ar Zoom – gellir gweld anghenion technegol ar gyfer Zoom ar y wefan yma. Ni ellir ymuno gyda’r cwrs ar ffon symudol neu ddyfais tabled gan nad yw’n addas ar gyfer Zoom.
- Cymerwch ran yn y cwrs fel petai ‘n digwydd gyda phawb yn yr un stafell. Mae hyn yn meddwl camu nôl o wrthdyniadau ar y’ch sylw. (technoleg, gofyniadau gwaith ayyb). Felly eich bod wedi ymroi yn llwyr ac yn cymryd rhan yn y sesiynau a’r gweithgareddau.
- Bod gennych y llyfr – “Meddylgarwch – Canllaw Ymarferol i Ganfod Heddwch Mewn Byd Gorffwyll”Mae’r fersiwn saesneg ar gael fel e-lyfr am o dan £5.
D.S. Os oes rhaid mynychu’r cwrs o’ch gweithle, gwnewch yn siŵr bod eich cymdogion gwaith yn deall eich bod chi ddim ar gael i gyflawni tasgau Gwaith neu gyfrifoldebau gwaith fel goruchwylio disgybl neu fynychu cyfarfodydd.
Os ydych yn cytuno gyda Thelerau ac Amodau ar gyfer archebu a mynychu cwrs .dechrau, plîs cwblhewch y ffurflen gais isod.
Bydd cynnwys y ffurflen yn cael ei drin yn gyfrinachol, ond bydd tîm gweinyddu’r MiSP ac athro’r cwrs yn ei ddarllen. Rydym yn cymryd preifatrwydd yn ddifrifol iawn a defnyddir eich gwybodaeth bersonol i weinyddu eich cyfrif ac i ddarparu cynnyrch a gwasanaethau rydych yn gofyn amdano.